Shenimi i Fundit - padukshem
Shėnimet shikohen vetėm nga Anėtarėt.
Lajmet

mergimtari.ch LajmeLajme Nga KosovaThaēi e Daēiqi “instalojnė” terr medial   
Thaēi e Daēiqi “instalojnė” terr medial



Mediet në Kosovë dhe ato në Serbi, janë duke kaluar nëpër terr të plotë informativ në raport me bisedimet në Bruksel, ngase dy qeveritë, ajo e Kosovës dhe e Serbisë, po e mbajnë të mbyllur “hermetikisht” këtë proces.


Kështu është thënë të enjten gjatë një debati mes gazetarëve kosovarë dhe atyre serbë në Qendrën Mediale në Çagllavicë, që është organizuar nga Rrjeti i Radiove Lokale të Kosovës, i cili do të transmetohet në pesëmbëdhjetë radiostacione, dhjetë në Kosovë dhe pesë në Serbi.


Zëvendësdrejtoresha e Radiotelevizionit të Kosovës (RTK), Anamari Repiç, ka thënë se dialogu politik Prishtinë-Beograd, po përcillet me probleme të mëdha që kanë komuniteti i medieve për të raportuar për atë që është biseduar.


Megjithatë, ajo ka vlerësuar se në Kosovë ka mediume që, siç ka thënë ajo, po përpiqen të raportojnë sa më saktë dhe korrekt për atë se çfarë po ndodh në Bruksel, gjatë takimeve të dy kryeministrave, por të cilat po kanë vështirësi të shumta.


Ndërkaq, kryeredaktori i gazetës “Bota Sot”, Bajrush Morina, ka thënë se është fat i keq për vendin se informatat për bisedimet në Bruksel, po u servohen qytetarëve nga Zyra e kryeministrit të vendit, dhe nga gazetarët e RTK-së, të cilët sipas tij, paguhen nga qeveria për ta paraqitur kryeministrin si triumfues në bisedime.


Edhe kryeredaktori i gazetës “Zëri”, Astrit Gashi, ka kritikuar qasjen e RTK-së karshi bisedimeve, ngase sipas tij, ky medium është shndërruar në televizion qeveritar dhe si i tillë po paraqet vetëm fitore të mëdha të Qeverisë së Kosovës gjatë dialogut.


“Ne kemi pasur frikën tonë në raport me dialogun dhe atë për shkak të seriozitetit të qasjes së klasës sonë politike dhe për shkak se dialogu po ndodh. Por ne si gazetë, duke pasur informatorë, por jo korrespondentë në Bruksel, por duke i përcjellë ngjarjet nga Prishtina edhe përmes Brukselit, ne gjatë tërë kohës u kemi dhënë hapësirë të dy palëve, pra edhe qeverisë së Kosovës, edhe qeverisë serbe, dhe në disa raste me radhë si pjesë e shkrimeve tona ka qenë edhe Borko Stefanoviq. Ne kemi pasur edhe intervista me Setefanoviqin në gazetën tonë”, ka thënë ai.


Gashi ka theksuar se qasja e “Zërit” dhe një pjese të medieve në Kosovë nuk ka qenë gjuhë fyese dhe e urrejtjes ndaj Serbisë, siç pretendojnë disa medie në Serbi, por është përdorur qasje kritike ndaj mënyrës se si po bëhet dialogu.


“Kështu që nëse ne duhet t’i marrim si të mirëqenia kritikat nga Shoqata e Pavarur e Gazetarëve të Serbisë, atëherë më duhet t’ju them juve kolegë gazetarë nga Serbia, që Kosova de fakto nuk ka pasur gjuhë të urrejtjes ndaj Serbisë në këtë rast”, ka thënë Gashi.


Debati është zhvilluar me dy panele të ndara, njëri në Çagllavicë dhe tjetri në Beograd, por që kanë komunikuar dhe debatuar me telekamera me njëri-tjetrin.


Njëri nga debatuesit në Beograd, gazetari i Radios Evropa e Lirë, Millosh Todoroviq, ka thënë se mungesa e transparencës së bisedimeve karshi medieve e bënë të dyshimtë mundësinë e jetësimit të marrëveshjeve që do të arrihen.


“Unë dje e pash që Hashim Thaçi ka thënë se është rregulluar çështja për kufirin, kurse e shohim Daçiqin që thotë se për asgjë s’jemi kuptuar, kurse një tablloid që është tirazh i një gazeta, shkruan se Thaçi ka lëshuar pe nën presion”, ka thënë ai.


Njëra nga problemet që kanë mediet në Kosovë dhe ato në Serbi për të mbulua zhvillimet në të dy vendet, sipas panelistëve në Çagllavicë dhe atyre në Beograd, është ajo që ka të bëjë me mungesën e korrespondentëve dhe me bashkëpunimin mes redaksive në Prishtinë dhe Beograd.




Nga Albin, Premte, 07 Dhjetor 2012 08:57, Komentet(0)
Komentet


MKPNews ©2003-2008 mkportal.it
 


MKPortal ©2003-2008 mkportal.it
Faqe e krijuar nė 0.13569 sekonda me 39 veprime